Tədbir neyrovaskulyar xəstəliklərin müasir diaqnostika və müalicə üsullarına həsr olunub. Simpoziumda yerli və xarici mütəxəssislər iştirak edərək, bu sahədə son yenilikləri müzakirə ediblər. Simpozium çərçivəsində kəllədaxili anevrizmalar və işemik insultun müasir endovaskulyar müalicə üsulları ilə bağlı təqdimatlar keçirilib. İştirakçılara qabaqcıl klinik təcrübələr və innovativ yanaşmalar barədə məlumat verilib. Tədbirin moderatorları professor, doktor Nuran Abdullayev, Mark Vekemans və Gunther Peeters olub. Spikerlər sırasında Prof. Dr. Alejandro Tomasello, Prof. Dr. Anastasios Mpotsaris, Dr. Ruslan Pişanov, Dr. Ağakişi Yahyayev, Dr. Cavid Əhmədov və Dr. Ruslan Əliyev yer alıblar. Simpozium çərçivəsində interaktiv klinik müzakirələr də təşkil olunub, müasir tibbi texnologiyaların tətbiqi imkanları müzakirə edilib. Tədbirin ikinci hissəsində əməliyyatxana şəraitində praktiki təlimlər keçirilib. Qeyd edək ki , “Bakı Neyrovaskulyar Simpoziumu 2026” bu sahədə bilik və təcrübə mübadiləsinin genişləndirilməsi baxımından əhəmiyyətli platforma hesab olunur.