Avqustun 26-da klinikanın peşəkar həkim heyəti – pediatr Zabitə Abbaszadə və kardioloq Ceyhun Bəxtiyarzadə buradakı uşaqların sağlamlıq vəziyyətini yoxlayıb. Səfər zamanı 14 körpə tam pediatrik və kardioloji müayinədən keçirilib. Ümumi nəticələr göstərir ki, körpələrin sağlamlıq vəziyyəti əsasən stabildir. Qeyd edək ki,həmin gün övladlığa verilən bir körpənin də sağlamlığı yoxlanılaraq stabil olduğu bildirilib. Kardioloq Ceyhun Bəxtiyarzadə bəzi körpələrdə müşahidə edilən risk faktorları səbəbi ilə onların 6 ay ilə 1 il ərzində təkrar müayinəyə cəlb olunmasının vacibliyini qeyd edib. Pediatr Zabitə Abbaszadə isə uşaqların ümumi sağlamlıq vəziyyətinin qənaətbəxş olduğunu bildirib. Məlhəm Beynəlxalq Hospital gələcəyin sağlam nəsillərinin yetişməsinə töhfə vermək məqsədi ilə bu kimi sosial layihələrə böyük önəm verir. Bu xeyriyyə təşəbbüsü cəmiyyətin ən həssas üzvləri olan körpələrin sağlamlığını qorumağa dəstək olmaq məqsədi daşıyır. Məlhəm Beynəlxalq Hospital — Məlhəmlə sağlam yaşa!