Məlhəm Beynəlxalq Hospital " 6-cı Yerli Şirkətlərin Tanıtım Sərgisi"ndə iştirakını davam etdirir. Sərginin bu gün 3-cü günü olsa da, stendimizə olan maraq və müraciətlərin sayı azalmır, əksinə, artmaqda davam edir. Ən çox müraciət edənlər sırasında orta yaşlı və yaşlı insanlar üstünlük təşkil edirdi. Onların bir çoxu ilkin tibbi müayinədən keçmək üçün stendimizə yaxınlaşdı. Bugünkü statistikaya əsasən, təxminən 10-15 nəfər yerində tibbi müayinədən keçib. Eyni zamanda stendə yaxınlaşan və halı pisləşən bir ziyarətçiyə operativ şəkildə təzyiq ölçümü və ilkin yardım göstərildi. Sərgi boyunca artıq 240 nəfərə endirim kuponu təqdim olunub . Məlumat üçün qeyd edək ki, stendimizdə yalnız xəstəliklər haqqında maarifləndirmə deyil, eyni zamanda təcili tibbi yardım sahəsinin əməkdaşları tərəfindən ziyarətçilərin səhhəti ilə bağlı fərdi konsultasiyalar da aparılıb. Məlhəm Beynəlxalq Hospitalın stendi sağlamlıq mövzusunda fəaliyyət göstərən digər stendlərdən fəallığı, faydalılığı və peşəkar yanaşması ilə fərqlənib. Hospitalımızın əməkdaşları yüksək məsuliyyətlə çalışaraq, hər bir ziyarətçiyə xüsusi diqqət və qayğı göstəriblər. Qeyd edək ki,sərgi davam edir,odur ki,sizi də stendimizdə görməkdən məmnun olarıq!