Sərginin sonuncu günündə Məlhəm Beynəlxalq Hospitalın stendi yenidən ziyarətçilərin diqqət mərkəzində idi. Gələn qonaqlar hospitalın fəaliyyət istiqamətləri, həkim heyəti və tibbi xidmətləri barədə ətraflı məlumat aldılar. Tibb bacıları tərəfindən yerində xidmət göstərildi, bir neçə ziyarətçinin təzyiqi və şəkəri ölçüldü, habelə endirim kuponları və maarifləndirici broşurlar təqdim olundu. Stend əvvəlki günlərdə olduğu kimi bu dəfə də faydalılığı və peşəkar yanaşması ilə digər iştirakçılardan fərqləndi. Tədbirin bağlanış mərasimində Məlhəm Beynəlxalq Hospitalın İcraçı direktoru Sevda xanım Əlizadə çıxış edərək, sağlam ailə anlayışının tibbi maariflənmədən başladığını vurğuladı: “Əvvəlcə sağlamlıq və toy sərgisini necə birləşdirəcəyimizi düşünürdüm, amma ,əslində, sağlam ailə sağlam bədəndən başlayır. Evlilik öncəsi müayinələr, hamiləlik dövründə həkim nəzarəti və düzgün tibbi maarifləndirmə çox vacibdir. Məlhəm Beynəlxalq Hospital 28 min kvadrat metrlik tam təchizatlı sahədə fəaliyyət göstərir və həkimlərimiz xaricdə ixtisaslaşmış mütəxəssislərdir. Məqsədimiz odur ki, heç bir pasiyent bizə müraciət etdikdə “Bizdə bu avadanlıq və ya həkim yoxdur.” cavabını eşitməsin. Sağlam gələcək üçün sağlam uşaqlar yetişdirmək, bunun üçün isə peşəkar həkimlərə güvənmək lazımdır. Azərbaycan səhiyyəsi inkişaf edir və biz hər bir vətəndaşın bu inamı daşımasını istəyirik". Üç gün davam edən “Ailə və Toy Sərgisi” Məlhəm Beynəlxalq Hospital üçün həm maarifləndirici, həm də insanların sağlamlıqla bağlı düşüncələrinə müsbət təsir göstərən önəmli platformaya çevrildi. Məlhəm Beynəlxalq Hospital – Sağlam ailələrin sağlam gələcəyi üçün!