Kardioloqdan Cütlüklərə Həyati Tövsiyə Sərgi zamanı Məlhəm Beynəlxalq Hospitalın kardioloqu Ülvin Həbibova çıxış edərək, yeni evlənən cütlüklərin sağlamlığında mühüm bir məqamı – kardioloji müayinənin vacibliyini qeyd edib: "Genetik ürək problemləri bəzən heç bir simptom vermədən nəsildən-nəslə keçə bilər. Buna görə də nikah öncəsi və ya erkən evlilik dövründə kardioloji müayinənin aparılması gələcəkdə ciddi ürək-damar problemlərinin qarşısını almaqda həlledici rol oynaya bilər. Bu, sadəcə fərdi sağlamlıq deyil, həm də gələcək ailənin sağlamlığı naminə atılan məsuliyyətli bir addımdır." Fərdi Konsultasiyalar və Pulsuz Yoxlamalar Günün gedişində Məlhəm Hospitalın həkimləri stendə yaxınlaşan ziyarətçilərlə fərdi konsultasiyalar keçirib, onların çoxsaylı suallarını cavablandırıblar. • Pediatr Zabitə Məmmədova valideynlərin uşaqların sağlamlığı, immuniteti və qidalanması ilə bağlı müraciətlərini cavablandırıb. •Terapevtlərimiz isə gələcək valideynlərə sağlam hamiləlik dövrü və ümumi həyat tərzi barədə əsaslı tövsiyələrini bölüşüb. Yaşlı iştirakçılar və özünü narahat hiss edən ziyarətçilər stendimizdə təşkil olunan ödənişsiz təzyiq və qan şəkərinin ölçülməsi xidmətindən istifadə ediblər. Bu ekspress-diaqnostika xidməti ailə üzvlərinin ilkin sağlamlıq göstəricilərini anında öyrənməyə imkan yaradıb. Sərgi boyunca Məlhəm Beynəlxalq Hospital stendi həm informativ məzmunu, həm də həkim heyətinin peşəkarlığı və ziyarətçilərlə səmimi ünsiyyət atmosferi ilə digər iştirakçılardan fərqlənib. Ziyarətçilərə hospitalımızın xidmətlərindən yararlanmaq üçün endirimli kuponlar və informativ broşurlar paylanılıb. Məlhəm Beynəlxalq Hospital ailələrin sağlam gələcəyi naminə fəaliyyətini sabah, 25 oktyabr tarixində sərginin son günü də davam etdirəcək. Bütün maraqlananları stendimizə dəvət edirik!