Azərbaycan Pediatrlar Assosiasiyası tərəfindən təşkil edilən tədbirdə əsas məqsəd müasir tibbdə tətbiq olunan diaqnostik və müalicə yanaşmalarının mütəxəssislər arasında paylaşılması, eləcə də klinik praktikada rast gəlinən halların müzakirəsi olub. Konfrans çərçivəsində uşaqlıq dövründən başlayaraq yetkinlik mərhələsinədək neyroinkişaf prosesinin müxtəlif aspektləri, erkən diaqnostikanın rolu, kompleks yanaşmanın əhəmiyyəti və multidisiplinar idarəetmə modelləri müzakirə edilib. Çıxışlarda müasir tibbi yanaşmalar, innovativ müalicə üsulları və real klinik təcrübələr iştirakçılarla bölüşülüb. Tədbirdə pediatrlar, uşaq nevroloqları və müxtəlif ixtisas sahələri üzrə həkimlər iştirak ediblər. Həmçinin klinik halların müzakirəsi aparılıb, praktik yanaşmaların təkmilləşdirilməsi istiqamətində fikir mübadiləsi həyata keçirilib.