Tədbirdə Uzm. Dr. Nərimanə İmanova Yağcı, Uzm. Dr. Nuranə Əliyeva, Aygün Cabbarlı, Dr. Sübhan Hacıyev, Ülvin Həbibova, Fəridə Poladova, Uzm. Dr. Aysel Şıxəliyeva, Ləman Muradova, Uzm. Dr. Fidan Sultanova və Dr. Səmayə Nəbizadə çıxış ediblər. Həkimlər diabetin əlamətləri, ağırlaşmaları, qan şəkərinin idarəsi, dərman və insulin müalicəsi, qidalanma, fiziki aktivlik, infeksiyalara qarşı qorunma və ayaq baxımı mövzularında ətraflı məlumat veriblər. Diabetin əsas əlamətləri arasında susuzluq, həddindən artıq yemək, yorğunluq, gecə sidiyə getmə, dəridə quruluq, yaraların gec sağalması, hissizlik və uyuşma qeyd olunub. Ağırlaşmalar isə ürək-damar, göz və böyrək xəstəlikləri, infeksiyalara meyillilik, neyroloji və mikrovaskulyar problemləri əhatə edir. Həkimlər fiziki aktivliyin əhəmiyyətini vurğulayıb, idman zamanı qlikoz səviyyəsinin ölçülməsi və düzgün qidalanma tövsiyələrini veriblər. Hiperosmolyarlıq, qan qatılaşması, diabetik hipoqlikemiya və ketoasidoz kimi ciddi vəziyyətlərdə dərhal tibbi yardım çağırmaq tövsiyə olunub. Dietoloq Ləman Muradova düzgün qidalanmanın və quru meyvələrin istifadəsinin qaydalarını açıqlayıb. Dərman müalicəsi və insulin terapiyası, qan şəkərinin daimi təqibi və ayaq baxımı mövzularında da praktiki tövsiyələr verilib. Qeyd edək ki, tədbirdə Orzaks şirkəti sponsor olaraq iştirak edib və xəstələr üçün hədiyyələr təqdim olunub.