“Sərgidə niyə varsınız?” – sualımıza Sevda xanım ətraflı cavab verdi: “Buradayıq, çünki tanıtmaq üçün, reklam üçün bir səbəbimiz var. Biz səhiyyə sistemində az qala görülməyən iş qoymamışıq, amma cəmiyyətə nə qədərini çatdıra bilmişik? Bax, əsas məsələ budur.” Sevda Əlizadənin sözlərinə görə, Məlhəm Beynəlxalq Hospital ölkədə bir çox nadir tibbi sahələr üzrə ixtisaslaşmış və texnoloji avadanlıqlarla təchiz olunmuş mərkəzlərdən biridir: “Parkinson cərrahiyyəsi, TMS cihazları, aritmologiya üzrə aparılan müalicələr – bu sahələrdə Azərbaycanda öncüllük edirik. Elə texnologiyalar var ki, yalnız bizdədir. Məsələn, tomosintezli mammoqrafiya cihazı. Bu cihaz və onun əsasında qurulan müayinə və müalicə sistemi bizim Süd Vəzi Mərkəzində tam kompleks şəkildə mövcuddur: radioloq, cərrah və terapevtin birgə fəaliyyəti ilə.” Beynəlxalq təhsilli həkimlərin çalışdığı Məlhəm Beynəlxalq Hospitalda pasiyentlərə multidisiplinar yanaşma ilə xidmət göstərilir: “Bir insanın mədəaltı vəzisi ilə bağlı problemi varsa, o, tək bir həkimlə yox, radioloq, endokrinoloq, laboratoriya mütəxəssisi və terapevtlə birgə qiymətləndirilir. Bu model Azərbaycanda yalnız bir neçə hospitalda mövcuddur, onlardan biri də bizik.” Sevda Əlizadənin fikrincə, məhz bu cür sərgilər vasitəsilə Azərbaycanda səhiyyə sektorunun səviyyəsi cəmiyyətə daha dolğun çatdırıla bilər: “Bəzən insanlar bilmirlər ki, epilepsiya ilə bağlı müalicəni Türkiyəyə yox, bizə – Məlhəmə də etibar edə bilərlər. Halbuki bizim mərkəzimizdə Türkiyədə ixtisaslaşmış həkimlər və müasir cihazlar var.” Xaricdə tibbi xidmətə yönələn vəsaitin ölkə iqtisadiyyatına təsirindən də söz açan direktor vurğuladı: “Xaricə üz tutmanın qarşısını almaq üçün, maarifləndirmə üçün buradayıq. Biz bu işləri həm yüksək səviyyədə görürük, həm də öz vətəndaşlarımızın pulu xaricə axmasın deyə çalışırıq. Bu, həm ölkənin iqtisadi inkişafına, həm də xalqın rifahına xidmət edir.” Müsahibənin sonunda Sevda xanım bir daha maarifləndirmə və tanıdılmanın səhiyyənin inkişafında əsas addım olduğunu qeyd etdi: “Əsas məqsədimiz tanınmaq, tanıtdırmaq və tibbi maarifləndirmədir. Yalnız bu yolla cəmiyyətə daha faydalı ola bilərik.” 📍 Məlhəm Beynəlxalq Hospital təkcə müalicə məkanı deyil, ölkənin tibbi gücünü və texnoloji inkişafını təcəssüm etdirən bir sağlamlıq mərkəzidir.