Qeyd edək ki,əkizlərin anasının doğuşdan sonrakı vəziyyəti pisləşdiyindən müalicə alırdı. Körpələr bizə həvalə olunanda vəziyyətləri kritik idi; aşağı çəki, vaxtından əvvəl doğuş və keçirdikləri infeksiyalar. Onların Bakı şəhərinə təhlükəsiz çatdırılmasında Rəna xanım və Səid bəy başda olmaqla komandamızın əvəzsiz rolu oldu. Müalicə müddətində hər bir əməkdaşımız öz məsuliyyətini sevgi və fədakarlıqla yerinə yetirdi. Ana südünün əvəzsiz rolu Bu təcrübə bizə bir daha göstərdi ki, ana südü hər bir körpə üçün əvəzolunmazdır. Xüsusilə keysəriyyə kəsiyi ilə doğulan uşaqlar təbii doğuş zamanı əldə etdikləri bakterial müdafiədən yararlana bilmirlər. Bu isə onların bağırsaq və immun sisteminin inkişafına mənfi təsir göstərə bilər. Bəzi analar südün gec gəlməsi, yorğunluq və ya müxtəlif səbəblərdən süni qidalara üstünlük verirlər. Lakin heç bir süni qida ana südünü əvəz edə bilməz. Ana südü uşağın yalnız fiziki deyil, həm də zehni inkişafında mühüm rol oynayır. Xoşbəxtlikdən bu körpələrin anası sağaldıqdan sonra süd verməyə başladı və ailəsi də onu dəstəklədi. Bu hər bir ana üçün gözəl bir nümunədir.