18 iyun 2025-ci il tarixində Bakı Ekspo Mərkəzində start götürən “6-cı Yerli Şirkətlərin Tanıtım Sərgisi”nin ilk günü uğurla yekunlaşdı. Azərbaycanın ən nüfuzlu işgüzar platformalarından biri olan bu sərgi Kiçik və Orta Biznesin İnkişafı Agentliyi (KOBİA) və Marsol Groupun təşkilatçılığı, Kapital Bankın rəsmi tərəfdaşlığı ilə keçirilir. “Yerli Sənaye, Güclü İqtisadiyyat!” şüarı ilə baş tutan sərgi 300-ə yaxın yerli şirkəti bir araya gətirərək ölkə iqtisadiyyatının əsas oyunçularını bir platformada toplayır. Sərginin əsas məqsədi yerli şirkətlərin tanıdılması, qarşılıqlı əməkdaşlıq imkanlarının genişləndirilməsi və ölkədə biznes mühitinin daha da inkişaf etdirilməsidir. Məlhəm Beynəlxalq Hospital olaraq belə önəmli tədbirdə Baş Sponsor kimi iştirak etməkdən böyük məmnunluq duyuruq. Sərgi çərçivəsində fəaliyyət göstərən bugünkü stendimizdə ziyarətçilərə hospitalımızın geniş xidmət spektri, tətbiq edilən tibbi texnologiyalar və ixtisaslaşmış həkim komandası haqqında ətraflı məlumat təqdim olundu. Sərgi çərçivəsində keçirilən “İqtisadi Rəqabət ,İstehlakçı Maraq və Məsuliyyətləri” adlı konfrans isə geniş maraqla qarşılandı. Konfransda dövlət qurumları, özəl sektor və maliyyə institutlarının yüksək vəzifəli nümayəndələri iştirak etdilər. Tədbirdə sağlam rəqabətin təşviqi, istehlakçı hüquqlarının müdafiəsi və dövlət-özəl tərəfdaşlığı kimi aktual mövzular ətrafında fikir mübadiləsi aparıldı. Onu da qeyd edək ki,konfransda Elnur Bağırov –Antiinhisar və İstehlak Bazarına Nəzarət Dövlət Agentliyinin sədri,Sahib Ələkbərov – İqtisadiyyat Nazirliyinin müavini,Orxan Məmmədov – Kiçik və Orta Biznesin İnkişafı Agentliyinin İdarə Heyətinin sədri,Fərid Hidayətzadə – Kapital Bank Açıq Səhmdar Cəmiyyətinin İdarə Heyətinin üzvü,Tural Mustafayev – Marsol Group şirkətinin rəhbəri çıxış etdilər. Məlhəm Beynəlxalq Hospital olaraq hesab edirik ki, bu cür təşəbbüslər ölkəmizdə sağlam cəmiyyətin qurulmasına, sosial rifahın artırılmasına və dayanıqlı iqtisadi sistemin formalaşmasına xidmət edir. Biz də öz növbəmizdə tibbi xidmət sahəsində yüksək keyfiyyətli fəaliyyətimizlə bu missiyaya dəyərli töhfələr verməyə davam edirik. Sonda onu da qeyd edək ki, "Yerli şirkətlərin tanıtım sərgisi" davam etməkdədir. Hər birinizi 19,20,21 iyun tarixlərində sərgidə nümayiş olunan stendimizdən xidmətlərimiz barədə məlumat alıb, yararlanmağa dəvət edirik! Məlhəm Beynəlxalq Hospital – Sağlamlığın Güvən Yeri!