Tibbi bölmələrimiz

• İnfeksion (yoluxucu) xəstəliklər mikroskopik orqanizmlərin – viruslar, bakteriyalar, göbələklər və parazitlərin səbəb olduğu xəstəliklər qrupudur. İnfeksion xəstəliklər və kliniki mikrobiologiya bu patogenləri araşdıran, laboratoriya şəraitində onların tədqiqini aparan və müalicə ilə məşğul olan tibbin xüsusi bir sahəsidir.

Yoluxucu xəstəliklər müxtəlif yollarla yayılır: hava-damcı yolu (asqırma və ya öskürmə ilə), qida və su vasitəsilə, birbaşa fiziki təmas, qan və digər bədən mayeləri və həşərat dişləmələri. Bəzi infeksiyalar yüngül keçsə də, digərləri həyati təhlükə yarada və intensiv tibbi müdaxilə tələb edə bilər.

İnfeksion Xəstəliklərin Əsas Simptomları

İnfeksiyalar müxtəlif simptomlarla özünü göstərə bilər. Ən çox rast gəlinən əlamətlər:

• Yüksək hərarət
• Ümumi halsızlıq və yorğunluq
• Öskürək və boğaz ağrısı
• Bağırsaq problemləri (ishal, qusma, qarın ağrısı)
• Dəri səpgiləri və qaşınma
• Əzələ və oynaq ağrıları
• Tərləmə və üşütmə hissi

Diaqnostika üçün müxtəlif laboratoriya testlərindən istifadə olunur. Qan, sidik, bəlğəm, nəcis kimi nümunələr götürülərək analiz edilir.

Yoluxucu Xəstəliklərin Əsas Növləri

1. Tənəffüs Sistemi İnfeksiyaları

• Qrip və soyuqdəymə
• COVID-19 və digər koronavirus infeksiyaları
• Angina, faringit, tonzillit
• Pnevmoniya (ağciyər iltihabı)
• Bronxit
• Vərəm (tuberkuloz)

2. Sidik-Yolları İnfeksiyaları

• Sidik kisəsi infeksiyası (sistit)
• Böyrək infeksiyaları (pielonefrit)
• Uretrit

3. Mədə-Bağırsaq İnfeksiyaları

• Qida zəhərlənmələri
• Bağırsaq infeksiyaları (gastroenterit, salmonellyoz, şigelloz və s.)
• Helikobakter pylori infeksiyası (mədə xorasının səbəblərindən biri)

4. Sinir Sistemi İnfeksiyaları

• Meningit (beyin qişalarının iltihabı)
• Ensefalit (beyin iltihabı)
• Poliomielit

5. Yumşaq Toxuma və Sümük İnfeksiyaları

• Dəri və yumşaq toxuma infeksiyaları (sellülit, fəsadlı yaralar)
• Diabetik ayaq infeksiyası
• Osteomielit (sümük iltihabı)
• Spondilodiskit (onurğa sütununun infeksion zədələnməsi)

6. Qan və Limfa Xəstəlikləri

• Sepsis (qan infeksiyası, qan zəhərlənməsi)
• Limfadenit (limfa düyünlərinin iltihabı)

7. Cinsi Yolla Yoluxan Xəstəliklər

• Sifilis
• Qonoreya
• Xlamidioz
• Papilloma virus infeksiyası (HPV)
• Hepatitlər (B, C və s.)
• HİV/QİÇS

8. Göbələk və Parazitar Xəstəliklər

• Kandidoz (ağız və genital bölgədə göbələk infeksiyası)
• Aspergilloz və digər sistemik göbələk infeksiyaları
• Malyariya
• Leyşmanioz
• Qurd infeksiyaları (askaridoz, tenioz, enterobioz və s.)

9. Hamiləlikdə Xüsusi Risk Daşıyan İnfeksiyalar

• TORCH infeksiyaları (Sitomeqalovirus, Toksoplazmoz, Herpes, Rubella və s.)
• Səpkili infeksiyalar (Məxmərək, Suçiçəyi, Skarlatina və. s.)
• İnfeksion Xəstəliklərin Müalicəsi və Profilaktikası
• İnfeksion xəstəliklərin müalicəsi xəstəliyin törədicisinin növünə uyğun aparılır:
• Antibiotiklər – bakterial infeksiyaların müalicəsində
• Antiviral dərmanlar – virus infeksiyalarına qarşı (COVID-19, qrip, hepatit və s.)
• Antifungal dərmanlar – göbələk infeksiyalarında
• Antiparazitar preparatlar – parazitlərə qarşı

Profilaktika və Yoluxmadan Qorunma Yolları

• Peyvəndlər – Hepatitlər, qrip, COVID-19, meningit, qızılca, məxmərək, suçiçəyi və s. əleyhinə peyvəndlər infeksiyalardan qorunmada mühüm rol oynayır.
• Şəxsi gigiyena – Əllərin tez-tez yuyulması, təmiz qida və suyun istifadəsi.
• Sağlam qidalanma – Güclü immun sistemini qorumaq üçün balanslı qidalanma.
• Müntəzəm tibbi müayinə – Xəstəliklərin erkən diaqnostikası və profilaktik tədbirlərin görülməsi.

İnfeksion xəstəliklər cəmiyyətin sağlamlığı üçün ciddi təhdid yarada bilən, bəzən epidemiyalara və pandemiyalara səbəb olan tibbi problemlərdir. Müasir diaqnostika və müalicə üsulları, habelə profilaktik tədbirlər sayəsində bu xəstəliklərin yayılmasının qarşısını almaq mümkündür.

Həkimlərin məsləhətlərinə əməl etmək, gigiyena qaydalarına riayət etmək və peyvəndlərdən istifadə etmək yoluxucu xəstəliklərdən qorunmanın ən effektiv yollarındandır. Unutmayın, sağlam həyat sağlam bədəndən başlayır!

 Məlhəm Hospitalı seçin, sağlamlığınızın qeydinə qalın!