Aksiya çərçivəsində məktəbli şagirdlər üçün ödənişsiz tibbi müayinələr həyata keçirilmişdir. Belə ki, uşaqlar pediatr, kardioloq, uşaq cərrahı və nevroloq müayinəsindən keçmiş, həmçinin ultrasəs (USM) və exokardioqrafiya (EKO) müayinələri aparılmışdır. Tədbirin əsas məqsədi uşaqların sağlamlıq vəziyyətinin vaxtında qiymətləndirilməsi, mümkün xəstəliklərin erkən aşkarlanması və valideynlərin maarifləndirilməsidir. Müayinələr təcrübəli həkim heyəti tərəfindən yüksək peşəkarlıqla həyata keçirilmişdir. Keçirilən belə aksiyalar Zərifə xanım Əliyevanın zəngin elmi irsinə və səhiyyə sahəsindəki əvəzsiz xidmətlərinə göstərilən dərin ehtiramın ifadəsi olmaqla yanaşı, eyni zamanda cəmiyyətin həssas təbəqələrinə yönəlmiş sosial qayğının bariz nümunəsidir. Qeyd edək ki, aksiya məktəblilərin valideynləri tərəfindən yüksək məmnunluq və geniş rəğbətlə qarşılanmışdır.